ភ្នំពេញ : នៅថ្ងៃចន្ទ ទី២៤ ខែឧសភា ឆ្នាំ២០២១ រាជរដ្ឋាភិបាលកម្ពុជា បានអនុញ្ញាតឲ្យក្រុមកីឡាជម្រើសជាតិ បើកការហ្វឹកហាត់ឡើងវិញ និងប្រមូលផ្តុំធនធានមនុស្សជំនាញកីឡា ប៉ុន្តែត្រូវគោរពយ៉ាងម៉ឺងម៉ាត់នូវរាល់បទបញ្ជា និងគោលការណ៍សុខាភិបាល។

អនុញ្ញាតឱ្យក្រុមកីឡាជម្រើសជាតិបើកការហ្វឹកហាត់ឡើងវិញ ដោយត្រូវគោរពយ៉ាងម៉ឺងម៉ាត់ដូចតទៅ៖

.ត្រូវបិទទ្វារទីលាននិងក្លឹបហ្វឹកហាត់ ហាមអ្នកក្រៅចេញចូលទោះបីកីឡាករ កីឡាការិនី គ្រូបង្វឹក បានចាក់វ៉ាក់សាំងការពារជំងឺកូវីដ-១៩ ចំនួន២លើករួចហើយក្ដី
.ត្រូវត្រួតពិនិត្យកីឡាករ កីឡាការិនី គ្រូបង្វឹក មិនឱ្យចេញក្រៅផ្ទះក្រៅពីទៅមកកន្លែងហ្វឹកហាត់និងនៅក្នុងកន្លែងស្នាក់នៅរួមតែប៉ុណ្ណោះ
.ត្រូវមានគ្រូពេទ្យកីឡាតាមដានសុខភាពកីឡាករ កីឡាការិនី គ្រូបង្វឹកជាប្រចាំ
.មិនអនុញ្ញាតឱ្យកីឡាករ កីឡាការិនី គ្រូបង្វឹក និងមន្ត្រីកីឡា ថ្នាក់ដឹកនាំកីឡា ដែលមិនបានចាក់វ៉ាក់សាំង ការពារជំងឺកូវីដ-១៩ ចេញ ចូលក្នុងកន្លែងទីលានក្លឹបហ្វឹកហាត់ជាដាច់ខាត

ដើម្បីបង្កើនការប្រុងប្រយ័ត្នឲ្យបានខ្ពស់ ដោយត្រូវចូលរួម អនុវត្តនូវវិធានការការពារ "៣ការពារ និង៣កុំ" និងត្រូវអនុវត្តឲ្យបានម៉ឺងម៉ាត់នូវវិធានការអនាម័យតាមការណែនាំរបស់ក្រសួងសុខាភិបាល ដើម្បីការពារ និងទប់ស្កាត់ការរីករាលដាលនៃជំងឺកូវីដ-១៩ ដែលកំពុងឆ្លងរីករាលដាលនៃជំងឺកូវីដ-១៩៕